قبل ما تبدأ مع سندكس
اقرأ الكلام ده براحتك. موافقتك معناها قبول شروط استخدام سندكس ومعالجة البيانات اللازمة للخدمات اللي بتطلبها، مش تنازل عن حقوقك القانونية، ومش موافقة تلقائية على أي عقد إيجار أو رسوم جديدة. سندكس بتسجل إصدار النص ووقت موافقتك ودور حسابك. أي تغيير جوهري يستلزم موافقة جديدة.
دور سندكس وحدود الخدمة
سندكس بتنسق الطلبات وتراجع المستندات والبلاغات وتحفظ نسخ الموافقات والعقود حسب الصلاحيات. قبول الحساب أو مراجعة مستند مش ضمان لملكية العقار أو وفاء أي طرف بالتزاماته. سندكس مش مالك العقار ولا بديل عن المحكمة أو الجهة المختصة. العمولة والرسوم المطبقة بتتوضح قبل الإجراء في صفحة الأسعار والعقد، وأي استرداد مستحق بيتراجع في مساره المنفصل. سندكس ماتفرضش إخلاء أو تنهي حق قانوني بمجرد تغيير حالة في الموقع.
المعاينة المحمية من سندكس
مقدم العقار يؤكد السعر والصور والمواصفات والموعد، والمستأجر يراجع النسخة. لو حصل إخلال جوهري، المستأجر يرسل بلاغًا خلال48 ساعة من الموعد المؤكد ومعاه أدلته لو متاحة. سندكس بتراجع النسخة وتقرير السفير ورد مقدم العقار، وبتسجل القرار وسببه. لو اتقبل البلاغ، فيه بديل واحد معفى من الرسوم لنفس العقار أو عقار متاح تاني، يتحجز خلال30 يومًا من الاعتماد وبعد تسجيل نتيجة الموعد الأصلي. لو ثبت إخلال جديد في البديل، سندكس بتراجع استعادة الفرصة مع حفظ التاريخ. التعويض معاينة بديلة؛ مفيش تعويض نقدي أو بدل انتقال ضمن الحماية.

